CHIMBOTECHAW QILLQAQ WARMIKUNA TARINAKUY KASHQA
Chimbotetam qillqaq warmikuna intiraymi killachaw, ishkay chunka kimawan ishkay chunka chusku hunaq qillqayanqanta riqitsikuq aywayashqa. A ncashpa qillqaqninkunapa ayllunakuy shutinqa Teresa Gonzales de Faningmi kashqa, paytaqa hatun yachatsikuq, qillqaq, willakuq kashqanta waatayaananpaqmi tsaynaw ayllukayta shutitsiyashqa, Teresa Gonzálesqa Chimbote, Nepeñachawmi yurirqan, atskatam ruramushqa, yuyayninkunawan yachatsikushqam. Ancashpa qillqaqninkuna ayllunakuytaqa Mariela Effio alli shunquyuq warmin pushashqa, Víctor Hugo Alvitez Moncada, Margot de la Cruz llapan ruraykunachaw wallkiyashqa, wakinkunapapis María del Pilar Cárdenaspanaw yanapayninkuwanmi qishpitsiyaamushqa, patsakaatsimushqa. qillqaqkunapa h uk tarinakuyninchaw llapan kaqkuna allaapam payllapaakuyashqa, llapaakunam rikaanakuyarquu, waqupaanakuyarquu, wiyaanakuyarquu, qillqayashqa maytukunata qaranakur, imaykapis shumaqta qillqayanqaata, naanikuna puriyanqaata, rurayni...