Margot Camones Maguiña

  Huk hunaqshi Maashi, hirkapa aywanaq; aywaykaptinna ichishaq ashkash mantsakashqa ayqillapa yuriikunaq, Maashiqa wakta, kayta rikachakunaq - atuq tsuraq/churaq ashkashta qatimun nir - Manash imapis kanaqtsu, hirkallash wan... ninaq. Tumanqanyaq ashkash aywakunaq, illakarkunaq, manash rikaanaqnatsu. Allaapash ashkashta rikachakunaq, manash imapis kanaqtsu, payllash karu markachaw rikakaanaq. Markaqa allaapa shumaqshi kaykuq, imaykapis manash pishiqtsu, tsaychaw/chaychaw kaykaptinshi llapan aqtsankuna sharikurkuyaanaq, allaapash mantsakay tsariikunaq. Hikan supaynaw waqrarishqa runash yarqiykur, shamuy ninaq. Hikachi mikakarkamanqa nishpash Maashi ishpapakurinaq, supayqa hukllash Maashiman witiykunaq , tsarirkunan kaykaptinshi, mamallan unayna wañusqa kaq, waqukurkur Maashitaqa apakunaq. Pasaypa shunqunpis utishqash, puk puk nikaptin, Maashi riyarkunaq; tsay karu markachaw kaykaqnaw, supayta rikaqnawshi mantsakashqa. Yakuta upurkur Maashi hamakaarinaq. Rikaukurna maakupakunaq, ma...