PEDRO PABLO ATUSPARIAta KANAN HUNAQ YARPANTSIK.
Foto de Pedro Pablo Atusparia. 1885 watachaw Pedro Pablo Atusparia, Miguel Iglesias, Perúpa Pushaqnin kaykaptin, rebelakurqa. Kay watakunachaw Perú allitsu karqa, tsaymi “Perúta alliyaatsiyaananpaq” imaykakunatapis rurayarqa, kay ruraykuna atskaq nunakunapaq mana allinawtsu karqa, allapa abusayarqa chakkrachaw nunakuna yachaqta pagatsiyaq, terreteniente nishqa nunakunapaq waatayaq, paykunapaq uryayaq. Tsaymi kay rebelión nishqan anqash suyuchaw karqun, Warasmarkachawpis, huk markakunachawpis yanapanakuyarqa: Pedro Pablo Atusparia, Marian markapa Alcaldin karqa tsay watakunapa, pay yarquptin yanapayarqan, Pedro Celestino Cochachin (Uchku Pedro nishpa riqiyaq) Luis Felipe de Montestuque, paykuna atskaq nunakunata ayllurqur, waqpa kaypa, yarqurkur aywayarqan, autoridakunaman, manam wakinllapaq uryakuyaamantsu nishpa, tsay rebelionqa karqa allaapa gamanalkuna chakranunakunata uryatsiyaptin, pagatsiyaptin, hinallam llapan nunakuna estadupaqpis mana ganashpa uryaya...