ASHNUWAN ATUQ

ASHNUWAN ATUQ (Willakuy) Huk markachawshi, huk awkis ashnu wataraallaq, tsaytanash atuq waskanta suwapaq, waataqninna, ashnun waskanta uqraptin maqaq, pampachaw mana qiwa kaqchaw wataraatsiq. Tsaynash ashnuqa ninaq: Imanirtaq maqaman, kananmi atuq musyamanqa nir, pampachaw wanuqtukur hitakaarinaq. Tsaymanshi huk atuq chaanaq, rikaykur ninaq: Kaychawmi atska allí aytsaqa, yanasaakunata minkakamushaq nishpa kutikunaq, llapan allí chuulukaqkunata, kallpayuqllata nimushaq nirakur aywakunaq. Tsaynash llapan atuqkuna pinkullunkunawan, tinyankunawan kushishqa aywayaanaq. Huknin atuq chaykurna, ashnupa ruruntantawan rinrintapis kanipaarinaq, Mana kuyuptinna chakinkunapita, pachampita, chupampitapis watarkur, qarachar qallaykuyaanaq. Tsaychawnash pinkullupis, tuntullu, tuntullu niptin atuqkuna allaapa kushishqa kayanaq. Pachanta qarachaykayaptinnash...